Zer moduz dago Babaren Erregea?
Ongi.
Nola sentitu zinen Nafarroako Erresumako Koroa jantzita?
Pixke bat nerbioso eta kontent ere bai. Entsaioetan pixke bat nerbiosten nintzen baina egunean gehiago.
Eta horren aitzinetik, roskoan baba atera zitzaizunean?
Harrituta gelditu nintzen. Hamabi lagun ginen eta zaila zen tokatzea. Ez nuen espero.
Zer moduz moldatu zinen erregearen paperean?
Ongi. Ikasia nuen.
Muthiko Alaiak peñakoek zein opari eman zizkizuten?
Osasunakoen baloia eta kamiseta, CD bat eta Muthiko Alaiak-en liburu bat ere bai.
Osasunakoa izanda, jokalariek sinatutako baloia eta kamiseta ongi gordeak izanen dituzu, ez?
Bai.
Eskolatik aterata zer egitea gustatzen zaizu?
Futbolean jolastu, bizikletan ibili... Horrela.
Zer du Amaiurrek Baztango bertze herriek ez dutena?
Monumentua.
Inauterietako mozorroa pentsatua duzu?
Ez, oraindik ez dut pentsatu.
Inauteriak, bestak ala Baztandarren Biltzarra. Zein duzu gustukoena?
Bestak. Hobeki pasatzen da.
Haunditzean zer izan nahi duzu?
Ez dut pentsatua oraindik.
